quarta-feira, 17 de setembro de 2008

O QUE SERIA DO CAPITALISMO SEM A MÂO VISÌVEL DO ESTADO?

A Reserva Federal norte-americana vai emprestar até 85 mil milhões de dólares (60 mil milhões de euros) à American Internacional Group (AIG) e em troca assume o controlo de 79,9 por cento do capital da gigante seguradora, na tentativa de evitar o colapso de mais um grupo financeiro, como aconteceu há dois dias com o Lehman Brothers (continua aqui).

Opinion de Nhu Naxu: na menos de 1 simana dja e tirceru bes ki stado sta meti mó na mercado,contra ideologia i crensas di própi governu mercanu.I goci é propi FED (banco central di merka) ki sta fica discapitalizadu i djes pidi ajuda di departamentu di tisoru (ministeriu di finansas).Pamodi es convenci es me i es consigi convenci munti di nos ma "planeamento central" o ma "economia regularizada" ta provoca consikuencia social gravis,es dexa mercado campia txada sem controlo.Mercado sta moda catchor brabu ki pa primeru bes sta sai na rua nem dono ka ta consigi controlal.Mercadu é bom i stado ka debi mexe nel ora ke sta da lucro e stado tem ki ta intervem ora ke sta cu problema.Ó seja,ora ki mercadu sta da lucro pa alguns privadus stadu debi fica longi e ora ki mercado sta das prejuizo stadu debi meti mó pa ajudas cu ses perdas.E stadu ta djuda cu dinheru di impostu di tudu cidadon.Mas ingrasadu inda e ki,ku kel intirvenson a favor di AIG,governu mercanu ta torna um di kes principal patrocinidoris di ekipa di futibol Manchester United.Nha genti,mundu ta da boita!

2 comentários:

Redy Wilson Lima disse...

Nhu Naxu, gossi kim gostaba di lê-ba artigos di Casimiro de Pina e companhia, és ki ta difendi capitalismo como soluçon.

Nhu Naxu disse...

È virdadi amigu Redy,
es tempus es sta tudu caladu i sukundidu.Nem siker pes apresenta um disculpa es ka sta surgi;parcem ma djes bai lê Marx di novo pes odja na undi é tinha razon...sima ta fladu:contra factos ka tem argumentu!