U contrário di titulo de post (tradu na site di rtc),n-atxa mé consesual na país e fora de país ma nos tilivison dja tem 10 ano ca ta sirbi povu.N-ca conxi ningem,hoji em dia,ki tem opinion positivu sobre nos tilivison;nem siker propri trabadjador di rtc ka sta satisfetu ku empresa (n-sta ta fala só di tilivison,rádio acho ki ka tem txeu motivo pa kexa del).Un tilivison ki abri 18:00 i ta termina 24:30 h tudu dia ku apenas 2 programa produzidu i rializadu pa ses trabadjador (Jornal da Noite e um documentáriu kualker) ka podi dexa ses trabadjadoris satisfetu e mutu menus ses telespectador.N-tem imprison ma mas di metadi di dinheru ki ta entra na empresa ta sirbi pa paga salários (e alguns mordomias) i,por iso,ta sobra poku pa produzi e realiza nos programas.E mutu menos pa nu tem tilivison 24 hora pa dia...Sim,é verdadi,trabadjadoris di tilivison tem razon: estado mesti injecta dinheru a sério na empresa e empresa precisa urgentimenti di um gestor profissional ki ka é politicu (di tudu directoris i administradoris ki dja pasa pa RTC n-ca ta lembra di nenhum ki ka era ligadu a partidu x ó partidu y).Ma jornalistas di tcv tambi tem ses parti di culpa na stadu di tilivison;só pa ruzumi kes munti kusa ki nu podia fla des,nu ta fla ma stado geral di jornalistas di tcv é comodismo (munti des ta limita a fazi ses funson diária i spera pa fim di mês,sem brio na corpu i nem sangi na veias).Kal ke soluson pa TCV nha genti?
N-ta atrevi avansa ku 3 senário:
1) dipos di estabeleci novu rigimi di financiamentu di tcv pa da stabilidadi financera a empresa (atraves di imposto o dotason orsamental),stadu tem ki ta nomeia um gestor profissional i entra ku dinheru a sériu pa fazi um reestruturason di empresa (pa introduzi novus prática di giston sima explorason di sinergias administrativas entre tcv i rcv,rinegociason di grelha di programas,novus politicas comercial,pa aprisenta um plano di riduson di pisoal i novus práticas di giston di ricursos humanos tendu em considerason kualidadi di serviso);
2) privatisason di empresa i dexa privados fazi kel reestruturason ki e necisario (assi pelo menos trabadjadoris ka ta fazi chantagi ku governu);
3) abri tilivison pa sociedadi civil (undi independentis não so ta fazi parti di direson di empresa como grupos di cidadon podi produzi,realiza e apresenta ses propri programa na tilivison) i stimula produson di contiudo audiovisual nacional undi stado na forneci sinal i parceros ta entra ku conteúdo.
Nha colega Francisco,como jornalista,kusé bu ta atxa?Kal ke bu opinion?
2 comentários:
Gostei das soluções para a TCV. Mas, como a TCV é uma arma de arremesso político dificilmente o governo deixará a sociedade civil entrar nela. Houve no mês passado uma pesquisa na Praia (ou CV) sobre as audiências da comunicação social (não sei como ela foi feita), e nem com 10 anos da TCV ela conseguiu ganhar, tendo ficado em último na preferências dos consumidores. Televisões como a Record (é a mais vista) e a TIVER nenhuma delas com mais de 1 ano de existência, ficaram à frente.
Nhu Naxu,nhu sta on fire...bons solusons pa tcv....
Redy,pelo que sei,o estudo que referiste foi feito pelo Afrosondagem.Eles apresentaram aquilo como estudo da audiência mas,se quisermos ser rigorosos,aquilo não passou de estudos de opinião sobre várias empresas e orgãos de comunicação social.Perguntar as pessoas se gostam do jornal "a semana" ou do "expresso das ilhas" e se vêm mais a "tiver" ou a "tcv" é muito diferente de ter instrumentos de medição de audiência em casa de várias pessoas ligado a televisão.
Enviar um comentário