Desdi kel selebri artigo di um tal economista ki apresenta se "vison cristã" sobre homsexualidadi ki alguns reaji,ku algum isageru,kontra kel artigo i otus ate sta ta tenta organiza um "movimento social di LGT di CV".Realmenti comunicason social tem impacto forti:um kusa ki,na dia a dia,ta comentadu,ta tchokotadu i ta fazi munti matchus bedjos da bons gargalhadas tudu fim di tardi i inicio di noti na conbersas di bares di CV,ta provoca isteria colectiva (ó isteria intelectualóide) so pamodi kes mesmos kusas ki ta txokotadu kol na bar parsi skritu na um jornal.I,pecado dos pecados,num jornal importanti di terra.Maior pecado inda:scrito pa um algem lisensiado,um economista.Alguns ate txiga di fla ma "A Semana" ka devia aseitaba kel artigo.Ò seja,um jornal,nes caso,"A Semana",so debi aseita artigos "politicamente correcto" i ki konteudo ka ta sai fora "da mediania medríocre do discurso abstracto".Ta parci ma,pa alguns,liberdadi di ispreson tem ki ta funsiona so na um sentido unico.Otus insinua ma kel gajo debi,o midjor,tem ki ser mau economista e mau intelectual so pamodi e tem opinion ke tem.Ka nhos intendem mal:ami é kontra opinion di kel economista i screvi kel artigo i nem n-ka sta defendel.So nkre fla ma n-atxa esageradu i xeio di hipokrisia alguns reason.Allô gentis,CV tem um populason 98% homofóbica.Pelo menos,na nos prasa privado.Mesmo munti di kes ke kursados e dotores bu ta atxas na bares ta trosa di panuleros.E la ki bu ta odja sena toda: na discurso informal i nao na discurso formal i politicamente correcta pa fazi boi durmi.Es ta engana kenha ki ta bai na conbersa.Pergunta um amigaso,kel ki nhos ta fala di tudo abertamenti,kuse ke ta fazeba se bem tem um fidjo panulero...E si ki nos tudu nu ta bem reagi kada bes ki screbedu o falado na tv ma homosexualidadi e doensa?i ora um padre o nhu bispo fla um kusa paresido,nu ta fika tudu kalado o nu ta reclama,nu ta screve contra-argumentu?
Antis di mas,pa kenha ki kre organiza o kria um movimento social,e tem ki ta tem um tradjon dos diabos pa nhos convensi panuleros ku lesbicas de nos terra a da cara: algem conxi 10 panulero assumido na CV?Dipos nhos tem ki ta convenses a da cara na comunicason social pes apresenta casos undi es xinti discriminado pamodi ses orientason sexual.Pa fim,ora ki nhos convensi alguns a vive djunto como um casal,nhos tem ki ta fazi lobby i presson politico pa muda alguns kusas na lei.Identidadi di grupo obligé....
N-atxa mutu mas faxi e mas ifisienti nu tenta muda kusas atreves di i na educason: na scola i na casa,ku nos fidjos.So asi ki kusas ta comesa muda...ma inda falta txeu nha povo.Axo ki nenhum di nos ki sta ta skrebi pa blogues ka ta sta nes mundo mas...
9 comentários:
Nhu naxu nhó dja nhu panha mania di exajeru. Ka konfundi politicamente incoretu ku hofofubia. Di fato Cláudia propoi na si artigu di A Semana um movimento social a favor de LGT e in skrebi um post ta txoma atençon pa dificuldadi di es pretenson, pelo menos pa gossi.
Agó, hipocrisia in ka odja undi nhu atxa, agó hofobobia nu sabi undi sta y el e ton gravi como racismo.
Só ka nhu tenta cuspi na pratu ki nhu ta cumé.
Nhu Nhaxu, rialmenti N ka konsigi atxa 10, ma N ten 2 amiga ki e lesbika i N konxi 2 broda ki e gay.
Tudu nos sabi ma povu di CV e rei di omofobiku. Es bu artigu e mas un prova. Uzu di espreson panuleru e ka "normal".
E ten un sentidu pejorativu i un karga negativu rei di forti. Si bu ka sabia kela bu ka tinha skritu kes 2 primeru frazi.
Ami na nha grupu di amigu ka ten ningen ki ta kumenta, txokota i da gargalhada na kusta di gay ku lesbika na ses kosta.
Di bes en kuandu, realmenti, ta parsi algen ki ta tenta fazi piadinha, ma klima ta bira logu tensu i es ta para.
Di mesmu manera ki N ka podi admiti algen ta skrebi na un jornal ma pretu e inferior, n ka podi permiti-l pa gay.
E mas ki un keston di umanismu i di avansu di direitu di gay, e tanbe di protekson di sis integridadi fisika.
E moda rasismu ki, apesar di izisti ainda, oji ka podi permitidu en publiku.
Si gentis kre fazi ses trosa, detxa-s faze-l sukundidu, la na ses bar, es ku es, na ses ignoransia i prekonseitu.
Ago, publikamenti nu ka podi admiti-l. Nu ten ki da-l konbati imediatu i inplakavel. Kontra intoleransia nu ka podi ser mutu toleranti.
Bali
P.S. Padri ku bispu ta funsiona na bazi di fe ku dogma, i kela, infelismenti, e disifil konfronta ku razon i logika. Ma nu ten ki tenta sime. ;-)
Redy,
como sempri bu ta disvia txeu di kusas ki n-kis fla...kel "so ka bu kuspi na pratu ki bu ta kumé" sta fora de contexto...
Salim,nha ponto é kela:
1)kes poku gays o lesbicas na CV sta disponivel pa sta da cara pa um movimento contra discriminason?
2)bu tem conhecimento di algum factos o di algum lei ki ta diferencia GLT em relason a otus?
3)kuse ki ta justifica um movimentu o tudu sururu ki artigo di kel economista provoca?é pamodi foi iscrito na um jornal o pamodi?
O contrario di kel ki Redy intendi (rei di mal por sinal),nka difendi kel artigo nem nka denfendi opinion ki sta la.N-kritika apenas reason a artigo.I Pamodi?Simplismenti pamodi n-ta atxa ma nu tem problemas mutu mas grave pa nu resolvi,pa nu luta contra es,pa nu djunta nos tudu pa combates.Violensia doméstica,delinkuensia juvenil o prostituison juvenil merece,mas urgenti ki homofobia,um MOVIMENTO organizado pa combati,sensebiliza i tenta diminui o para crescimento di kes fenomeno la...
Anhó tambi nhu ka intendi ma ninguem ka propoi um movimento LGT. Foi só um ideia lançadu pa Cláudia y más nada. é óbvio ki tem kusas más importanti pa luta contra que e di facto problemas sociais. Keston di LGT é apenas um fenómeno e ninguem ka sta pensa tornal um problema. Nhu sta odja kuza a más homi.
In ka fla ma nho pessoalmente nhu defendi econimista, ma sim ma manera ki nhu skrebi nhu sta ta difendi omofobikus e nho ta usa certos expreson ki ta fazi di nhó tm omofobiku. Se nhu é o nhu ka e ka interessam. Apenas é mau.
Agó sima in fla es kusas tem ki parti di gays e não di nós ke ka gay.
Ami komo sociólogo ta interessan kk fenómeno social e keli e ka um kusa inexistente, el é palpável interessanti mais ianda pamó fenómenos de omofobias ki nu tem nem terra.
Bon, kes otu prublema ki bu aponta e di faktu gravi. N ka ta kestiona-s nen minimiza-s.
Nu ten ki mobiliza pa nu konbati es tudu. Es meresi nos atenson devidu i o faktu di ki nu ta reaji so ora ki ta sai un artigu ta fla txeu sobri nos.
La bu ten razon absolutu. N ka podi disputa-u. Ago, kela ka podi inpidi-n di indigna ora ki parsi un artigu intoleranti.
Nha reason ta serba kel me si fosi un artigu ta difendi violensia domestiku, nega prostituison infantil, o minimiza delinkuensia juvenil.
Ideal ta serba nu aji i reaji au mesmu tenpu. Bu ten razon. Pior, ta serba nu ka aji nen reaji.
Reason dja e un kumesu o nau? ;-)
Sim Salim,reason e um kusemu...mas,para bu odja kantu tempu dja nu tem ta reaji reaji?nu ta indigna ku algum artigu,ku algum boka ki mandadu,nu ta manda nos boka kontra i,ora ki kusas fika mas kalmo,nu ta kala,ta skesedu tudu,na "paz di anjos",sem konsikuensia ninhum...kuandu nu ta pasa di reason pa ason?
Intekituais ta skrevi uns artigus,ta bai tilivison manda uns bokas i dipos es ta bai pa kafé bebi i bai durmi..mas nada.Dipos tudu ta kontinua kel me...i ta piora.E li ki sta hipokrisia (i sta parsem ma bu intendem midjor ki Redy)....
Gossi ki dja bu splica midjor, in ta dou razon no ki toka a hipocrisia (ma manera ki bu skrebi ka ta dexa transpareci keli). Só ki pa agidu tem di papiadu, ten ki fazedu preson, sinom ta fika só pa boka mandadu.
Redy,
des di inisiu ki inteson era keli:kuando n-fala na hipokrisia,nka foi klaro pamodi ntenta ser ironiko.Ma pronto,e normal ki algem podi ka intendi ironia i,por isso,ntendem mariado.Ki ta importa ma dja nu sta intendi cumpanheru
Kudadu po ka fika mo MFL na ses tentativa di ironiza tudu. Ta kaba pa ser krussifikadu pa falha na comunikasson. Ma sta fixe. U esencial sta esclarecido, embora nhu ta leba pensadu ma nhu sta toma parti di omofóbikus. Bu tem rezon o ki bu ta fla ma maioria di nós guentis é kela, ma nu tem ki kombati certos priconceitus antis di torna num fenómeno social, mesmu ki nu ka favor a omosexualidadi, como e es kasu. E apenas nha opinion.
Nhu manti dretu.
Enviar um comentário